11.02.2026 | 23:36
Քարաթափումներ Երևան-Մեղրի ավտոճանապարհին. վնասվել են ավտոմեքենաներ
Առաջիկա հանրաքվեն բոլոր չհավատացողների համար պարտքերը մարելու, մեղքերը քավելու հնարավորություն է. Արման Բաբաջանյան. ՏԵՍԱՆՅՈՒԹ
Քաղաքականություն
11.02.2020 | 18:10
«Առաջիկայում երկրում կարևոր միջոցառում է նախատեսված, և մենք այդ միջոցառմանը մեր մասնակցությամբ թևակոխելու ենք պայքարի մի նոր հանգրվան, որը երաշխավորելու է այդ բոլոր պայքարների անարյուն ընթացքը»,- այս մասին ԱԺ-ում հայտարարությունների ժամին ասաց պատգամավոր Արման Բաբաջանյանը։
Նա նկատեց, որ մեր երկրի ինքնիշխանությունն ու անկախությունն այսօր կախված է նրանից, թե արդյոք կկարողանանք մեզ բոլորիս հայտարարված այս հիբրիդային պատերազմը հաղթել առանց արյան, առանց բռնության։
«Կարծում եմ, որ մեզնից յուրաքանչյուրից պահանջվում է հասունություն, հետևողականություն և կամք, որպեսզի կարողանանք։ Ապրիլի 5-ին կայանալիք հանրաքվեն չափազանց կարևոր հանգրվան է մեր պետության ու հասարակության համար։ Առաջիկա հանրաքվեն բոլոր չհավատացողների համար պարտքերը մարելու, մեղքերը քավելու հնարավորություն է։ Ես օգտվելու եմ այդ հնարավորությունից»,- նշեց Բաբաջանյանը։
Մանրամասները՝ տեսանյութում։
