01.11.2024 | 23:19
Հրդեհ Գյումրու տներից մեկում
Ստացվում է՝ մի քանի հանցագործության համար օրենք ենք փոխում. Նիկոլայ Բաղդասարյան. ՏԵՍԱՆՅՈՒԹ
Հասարակություն
10.02.2020 | 11:00
Այսօր Ազգային ժողովում՝ Պետաիրավական հարցերի մշտական հանձնաժողովի նիստում, քննարկվում էր Արդարադատության նախարարության կողմից առաջարկված առանձնապես ծանր հանցագործությունների դեպքում Ներման հարցերով հանձնաժողով դիմելու վերաբերյալ նախագիծը։
Օրինագծով սահմանվում է, որ վերոնշյալ հանցագործությունների դեպքում տուժողը ևս կարող է դիմել Ներման հարցերով հանձնաժողով։
ԱԺ «Իմ քայլը» խմբակցության պատգամավոր Նիկոլայ Բաղդասարյանը նիստի ընթացքում ելույթ ունեցավ՝ խոսելով այն մասին, որ հանցագործությունների նեղ շրջանակ է սահմանված։
«Ստացվում է՝ մի քանի հանցագործության համար օրենք են փոխում»,- եզրակացրեց նա։
Ըստ պատգամավորի՝ հանցագործությունների շրջանակը կարելի էր ընդլայնել։ Նշենք, որ օրինագիծը նիստում դրական եզրակացություն ստացավ։
Մանրամասները՝ տեսանյութում:
Մերի Մարտիրոսյան
