10.10.2026 | 18:18
ԶՈՒ ԳՇ պետն այցելել է մի շարք զորամասեր
ԼՂ հարցի շուտափույթ կարգավորման հետ հույսեր կապելը միամտություն է. Ստյոպա Սաֆարյան. ՏԵՍԱՆՅՈՒԹ
Քաղաքականություն
03.02.2020 | 16:44
«Ժնևյան ինտենսիվ բանակցությունների հետքերով» խորագրով այսօր կազմակերպված քննարկման ժամանակ քաղաքագետ Ստյոպա Սաֆարյանն ասաց՝ եթե մանրամասն կարդանք Բրատիսլավայի հանդիպումից հետո ԵԱՀԿ ՄԽ համանախագահների հայտարարությունը, ապա վստահաբար կարող ենք ասել, թե ինչ են քննարկել կողմերը Ժնևի հանդիպման ժամանակ:
Ստյոպա Սաֆարյանը խոսեց ուղիղ կապի ներդրման, Վիեննայի և Սանկտ Պետերբուրգի պայմանավորվածությունների մասին նախկին իշխանության ներկայացուցիչների հիշեցման, լարվածության թուլացման և հասարակություններին խաղաղության պատրաստելու, գերիների փոխանակման և այլ հարցերի մասին:
Անդրադառնալով բանակցություններին Արցախի լիարժեք մասնակցության խնդրին՝ քաղաքագետը նկատեց, որ, օրինակ, լրագրողների փոխայցելությունների ծրագրում Արցախից լրագրողի ներգրավմամբ Ադրբեջանին ադապտացնում են Ստեփանակերտի մասնակցության խնդրին:
«Արցախին բանակցություններից հեռացնելն ավելի հեշտ էր, և դա արվեց, ցավոք, նաև հայկական կողմի և Հայաստանի այդ ժամանակվա նախագահ Ռոբերտ Քոչարյանի որոշման արդյունքում, բայց այժմ մենք ստիպված ենք 1998 թվականին կայացված այդ խայտառակ որոշումը հետ շրջելու, դրա հետևանքները վերացնելու և Արցախին բանակցային պրոցես վերադարձնելու տևական ու բարդ խնդրի լուծմանը»,- ասաց Սաֆարյանը:
Լեռնային Ղարաբաղի հիմնախնդիրը, ըստ քաղաքագետի, այնքան խորը փակուղում է, որ դրա շուտափույթ կարգավորման հետ հույսեր կապելն ուղղակի միամտություն է:
Մանրամասները՝ տեսանյութում:
