18.06.2026 | 20:44
Հունիսի 20-ին սպասվում են տարվա ամենաբարձր ջերմաստիճանները. Ազիզյան
Նաիրի Հունանյանի նամակն ուղարկվել է ԱԱԾ
Հասարակություն
31.01.2020 | 13:21
Հոկտեմբերի 27-ի գործով ցմահ դատապարտյալ Նաիրի Հունանյանի նամակը Նիկոլ Փաշինյանին, ՀԺ-ի տեղեկացմամբ, վարչապետը մակագրել է Գլխավոր դատախազին։
Ըստ հրապարակումների՝ Նաիրի Հունանյանը վարչապետին ուղղված նամակով պատրաստակամություն էր հայտնել մասնակցել «Հոկտեմբերի 27»-ի գործով անջատված մասի քննությանը՝ խոստանալով աջակցել բացահայտմանը։
ՀՀ գլխավոր դատախազության հանրային կապերի բաժնի պետ Արևիկ Խաչատրյանը Factor.am-ին ասաց, որ Նաիրի Հունանյանի կողմից վարչապետին ուղղված նամակը ստացել են և ուղարկել ՀՀ ազգային անվտանգության ծառայություն՝ «Հոկտեմբերի 27»-ի անջատված մասով վերսկսված վարույթի շրջանակներում քննության առարկա դարձնելու նպատակով:
Լիլիթ Շաբոյան
