14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Ոստիկանապետի պաշտոնակատարին հրավիրել են ԱԺ «Իմ քայլը» խմբակցություն
Քաղաքականություն
28.01.2020 | 19:56
Առաջիկայում նախատեսվում է ԱԺ իշխող «Իմ քայլը» խմբակցության և ոստիկանապետի պաշտոնակատար Արման Սարգսյանի փակ հանդիպումը։ Այս մասին փոխանցեցին «Իմ քայլը» խմբակցությունից։
Մեզ հայտնի դարձավ, որ հանդիպումը նախատեսված էր վաղը, բայց քննարկումների արդյունքում այն տեղափոխվել է հունվարի 30-ին։
Հիշեցնենք, որ մինչ այս իշխող խմբակցությունը հանդիպել էր ՀՀ վարչապետ Նիկոլ Փաշինյանի, ԱԳ նախարար Զոհրաբ Մնացականյանի հետ։
Այս նախադեպը ձևավորվել է իշխանափոխությունից հետո, երբ գործադիր մարմնի տարբեր պաշտոնյաներ աշխատանքային հանդիպում են ունենում խորհրդարանական խմբակցությունների հետ։ Մի քանի օր առաջ էլ ուժային կառույցների ղեկավարները հանդիպել էին ԱԺ «Լուսավոր Հայաստան» խմբակցության անդամների հետ։
Նարեկ Կիրակոսյան
