25.11.2024 | 22:48
Թուրքիայում երկրաշարժ է տեղի ունեցել
Սերգեյ Լավրովն ու Սերգեյ Շոյգուն պահպանել են պաշտոնները. ՌԴ կառավարության կազմը
Քաղաքականություն
22.01.2020 | 10:59
ՌԴ նախագահ Վլադիմիր Պուտինը հաստատել է նոր կառավարության կազմը: Այս մասին գրում է ՌԻԱ Նովոստին՝ վկայակոչելով Կրեմլի մամուլի ծառայությունը:
Այսպիսով, նորընտիր վարչապետ Միխայիլ Միշուստինը 9 տեղակալ կունենա: Առաջին փոխվարչապետն Անդրեյ Մելոուսովն է, որը մինչ այդ նախագահի օգնականն էր: Փոխվարչապետ և կառավարության աշխատակազմի ղեկավար է նշանակվել Դմիտրի Գրիգորենկոն:
Փոխվարչապետեր են նշանակվել նաև Վիկտորիա Աբրամչենկոն, Տատյանա Գոլիկովան, Յուրի Բորիսովը, Դմիտրի Չերնիշենկոն, Յուրի Տրուտնևը, Ալեքսեյ Օվերչուկը, Մարատ Հուսնուլինը:
Սերգեյ Լավրովը պահպանել է ԱԳ նախարարի պաշտոնը, Սերգեյ Շոյգուն՝ պաշտպանության նախարարի, Վլադիմիր Կոլոկոլցևը՝ ներքին գործերի, Անտոն Սիլուանովը՝ ֆինանսների, Ալեքսանդր Նովակը՝ էներգետիկայի, Եվգենի Դիտրիխը՝ տրանսպորտի, Դենիս Մանտուրովը՝ առևտրի և արդյունաբերության, Դմիտրի Կոբիլկինը՝ բնապահպանության, Դմիտրի Պատրուշևը՝ գյուղատնտեսության, Եվգենի Զինիչևը՝ արտակարգ իրավիճակների, Ալեքսանդր Կոզլովը՝ Հեռավոր Արևելքի և Արկտիկայի զարգացման նախարարի:
Տնտեսական զարգացման նախարար է դարձել Մաքսիմ Ռեշոտնիկովը, Մշակույթի նախարարությունը կղեկավարի Օլգա Լյուբիմովան, Թվային զարգացման, կապի և զանգվածային հաղորդակցության նախարարությունը՝ Մասկուտ Շադաևը, Առողջապահության նախարարությունը՝ Միխայիլ Մուրաշկոն, Շիննախարարությունը՝ Վլադիմիր Յակուշևը, Լուսավորության նախարարությունը՝ Սերգեյ Կրավցովը, Սպորտի նախարարությունը՝ Օլգա Մատիցինը, Աշխատանքի նախարարությունը՝ Անտոն Կոտյակովը:
