17.11.2024 | 23:31
Պաշտոնանկություններ կառավարությունում․ 2 նախարար, ուժային կառույցների ղեկավարներ ու ՊԵԿ նախագահն ազատման դիմում են ներկայացրել
ԱԺ-ում Երևանի քաղաքապետարանին արված նվիրատվությունների քննիչ հանձնաժողով չի ստեղծվի. ՏԵՍԱՆՅՈՒԹ
Քաղաքականություն
22.01.2020 | 10:39
Ազգային ժողովում քննարկվում էր Երևանի քաղաքապետարանին արված նվիրատվությունների քննիչ հանձնաժողով ստեղծելու հարցը։ ԱԺ-ն երեկ քննարկեց 2018 թվականի սեպտեմբերից սկսած տարբեր սուբյեկտների կողմից Երևան համայնքին տրանսպորտային միջոցների և այլ գույքի փոխանցման, ծառայությունների մատուցման պայմանագրերի, ինչպես նաև Երևան համայնքի կողմից դրանց հետ կապված այլ անշարժ կամ շարժական գույքի փոխանցման, այդ թվում` գույքային, ինչպես նաև ոչ գույքային իրավունքների, շինարարության թույլտվությունների, արտոնությունների տրամադրման իրավաչափությունն ու կոռուպցիոն ռիսկերն ուսումնասիրելու նպատակով հանձնաժողովի անդամների թիվը սահմանելու մասին հարցը։
Վարման կարգով ելույթ ունեցան «Լուսավոր Հայաստան» խմբակցության ղեկավար Էդմոն Մարուքյանը և «Բարգավաճ Հայաստան» խմբակցության պատգամավոր Նաիրա Զոհրաբյանը։
Նրանք կոչ արեցին կողմ քվեարկել քննիչ հանձնաժողովի ստեղծմանը։ «Իմ քայլը» խմբակցության ղեկավար Լիլիթ Մակունցը նշեց, որ չի մասնակցելու քվեարկությանը։ ԱԺ նախագահ Արարատ Միրզոյանը նկատեց, որ քաղաքական մեծամասնության համոզմունքն է, որ չեն կարող գնալ մի քայլի, որ կասկածելի է սահմանադևրականության առումով։ Կողմ քվեարկեցին 39, դեմ՝ 2, ձեռնպահ՝ 0։
Մանրամասները՝ տեսանյութում։
Արմինե Ալոյան
