02.07.2026 | 09:45
Հրշեջ-փրկարարներին հաջողվել է մարել Բաղրամյան բնակավայրում բռնկված հրդեհը
Հայաստանը պետք է դուրս գա ԵՏՄ-ից ու ՀԱՊԿ-ից և անդամակցի ԵՄ-ին ու ՆԱՏՕ-ին. Տիգրան Խզմալյան. ՏԵՍԱՆՅՈՒԹ
Քաղաքականություն
20.01.2020 | 13:10
Հայաստանը պետք է դադարեցնի անդամակցությունը Եվրասիական տնտեսական միությանն ու ՀԱՊԿ-ին և անդամակցի ԵՄ-ին ու ՆԱՏՕ-ին: Այս մասին Ազգային ժողովի մոտ կազմակերպված ակցիայի ժամանակ հայտարարեց Եվրոպական կուսակցության համանախագահ Տիգրան Խզմալյանը:
Նա նաև կարծում է, որ Հայաստանը պետք է գործընթաց սկսի, որպեսզի միջազգային մակարդակով չեղարկվի 1921 թվականին կնքված ռուս-թուրքական մոսկովյան պայմանագիրը:
«Այդ պայմանագիրը բազմաթիվ առումներով ապօրինի է: Այն չունի ոչ մի իրավական հիմք: Մենք, հասնելով դրա չեղարկմանը, հասնելու ենք նրան, որ ապօրինի են Նախիջևանի ու Արցախի փոխանցումը Ադրբեջանին, ինչպես նաև Արարատ լեռան փոխանցումը Թուրքիային»,- մանրամասնեց նա:
Եվրոպական կուսակցության անդամներն այս բովանդակությամբ նամակներ են ուղղել ԱԺ նախագահին և ՀՀ վարչապետին:
Մանրամասները՝ տեսանյութում:
Նարեկ Կիրակոսյան
