05.01.2025 | 21:53
Մատուցվեց Սուրբ ծննդյան ճրագալույցի պատարագ․ ԼՈՒՍԱՆԿԱՐՆԵՐ
Նաիրի Հունանյանը Նիկոլ Փաշինյանին նամակ է ուղղել
Քաղաքականություն
17.01.2020 | 13:02
Հոկտեմբերի 27-ի գործով ցմահ ազատազրկման դատապարտված Նաիրի Հունանյանը նամակ-դիմում է ուղղել ՀՀ վարչապետ Նիկոլ Փաշինյանին։
Factor.am-ի հետ զրույցում տեղեկությունը հաստատեցին Քրեակատարողական ծառայությունից։
Մամուլի հրապարակումները, թե Նաիրի Հունանյանը պատրաստակամություն է հայտնել մասնակցել Հոկտեմբերի 27-ի գործի անջատված մասի քննությանը, ՔԿԾ-ից չմեկնաբանեցին՝ հղում կատարելով անձնական տվյալների գաղտնիությանը։
Վարչապետի աշխատակազմից ևս հավելյալ մանրամասներ չեն հայտնում։
Հիշեցնենք, որ անցած տարեվերջին Գլխավոր դատախազությունը, բավարարելով Յուրի Բախշյանի այրու՝ Անահիտ Բախշյանի դիմումը, վերացրել էր Հոկտեմբերի 27-ի գործից անջատված մասի կարճման որոշումը։ Գործը այժմ քննվում է Ազգային անվտանգության ծառայությունում։ Անջատված մասը վերաբերվում է Հոկտեմբերի 27-ի ահաբեկչության կազմակերպիչներին ու հովանավորներին։ Գործի վարույթը կարճվել էր 15 տարի առաջ՝ հանցակիցների դրվագով արձանագրել էր հանցագործության դեպքի բացակայություն։
Բայցի այդ, նախաքննական մարմինը ապօրինի կերպով զենք և զինամթերք ձեռք բերելու և գործածելու դրվագով ապացույցները համարել էր անբավարար, և հանցակազմի բացակայություն էր արձանագրել հանցագործության նախապատրաստական փուլում և կատարմանն անմիջապես նախորդող պահին այն կանխելու հնարավորություն ու պարտականություն ունեցած այլ պաշտոնատար անձանց կողմից անփութություն դրսևորելու դրվագով։
Ռոբերտ Անանյան
