03.07.2026 | 05:09
ԱԱ-2026. Պորտուգալիան հաղթանակ կորզեց ու կխաղա Իսպանիայի հետ. ՏԵՍԱՆՅՈՒԹ
Քննարկել ենք, թե ինչպես կարող ենք երկրի անվտանգությունն ավելի ամուր դարձնել․Լիլիթ Մակունց. ՏԵՍԱՆՅՈՒԹ
Քաղաքականություն
16.01.2020 | 18:18
«Քաղաքացիական պայմանագիր» կուսակցության գրասենյակում իշխող ուժի պատգամավորներն այսօր հանդիպում անցկացրին Արտաքին գործերի նախարար Զոհրաբ Մնացականյանի հետ։
ԱԺ «Իմ քայլը» խմբակցության ղեկավար Լիլիթ Մակունցը հանդիպման ավարտին ասաց, որ փորձում էին հասկանալ, թե ինչպես կարող են խորհրդարանական դիվանագիտության հարթակներն առավել արդյունավետ օգտագործել։ Իսկ Factor.am-ի հարցին, թե արդյոք մեր երկրի անվտանգությանն առնչվող հնարավոր մտահոգությունները փարատվեցին՝ հաշվի առնելով արտաքին հարթակում առկա որոշակի լարվածությունը, մասնավորապես՝ Իրան-ԱՄՆ շրջանակում, Մակունցն ասաց, որ երկրի անվտանգության առումով մտահոգություններ չեն հնչեցրել։
«Քննարկել ենք, թե ինչպես կարող ենք երկրի անվտանգությունն ավելի ամուր դարձնել և մեր բոլոր ջանքերն ուղղորդել միևնույն նշանակետին»,- ասաց նա։
Լրագրողների հետ ճեպազրույցի ժամանակ Մակունցն անդրադարձավ նաև հարցին, թե ինչո՞ւ իշխող ուժը դեռևս թեկնածու չի առաջադրել Կոռուպցիայի կանխարգելման հանձնաժողովում։ Նա նշեց, որ առայժմ որոշում չունեն այս հարցով, բարդ է ընտրություն կատարելը։ Քննարկվել են մի քանի անուններ, իսկ թե երբ որոշում կկայացվի՝ Մակունցի խոսքով՝ դեռևս հստակ ժամկետ չկա։
Խորհրդարանական մեծամասնության ներկայացուցիչը տեղեկացրեց նաև, որ խմբակցությունը նախատեսում է հաջորդ հանդիպումն ունենալ ՀՀ ոստիկանապետ Արման Սարգսյանի հետ։
Մանրամասները՝ տեսանյութում:
Մերի Մարտիրոսյան
