15.10.2026 | 18:23
Տեղի է ունեցել ՀՀ վարչապետի և Ֆրանկոֆոնիայի միջազգային կազմակերպության գլխավոր քարտուղարի հանդիպումը
Իսպանիայի Սահմանադրական դատարանն ապօրինի ճանաչեց Կատալոնիայի անկախության հանրաքվեն
Քաղաքականություն
18.10.2017 | 20:04
Իսպանիայի Սահմանադրական դատարանն ապօրինի ճանաչեց Կատալոնիայի անկախության մասին հանրաքվեն, որը տեղի էր ունեցել հոկտեմբերի 1-ին. փոխանցում է nv.ua-ն:
Իր այդ որոշումը ՍԴ-ն հիմնավորել է նրանով, որ հանրաքվեն անցկացվել է կատալոնական խորհրդարանի կողմից սեպտեմբերի 6-ին ընդունված օրենքի հիման վրա, որը հակասում է իսպանական Սահմանադրությանը և այդ պատճառով էլ չունի օրենքի ուժ։
Դատարանի վճռում նշվում է, որ հանրաքվեի մասին կատալոնական օրենքը խախտում է Իսպանիայի ազգային ինքնիշխանության և ազգային անխախտ միասնականության սկզբունքները։
Բացի այդ, դատարանը ապօրինի է ճանաչել նաև կատալոնական խորհրդարանի նիստը, որի ընթացքում ընդունվել է իսպանական Սահմանադրությանը հակասող այդ օրենքը։
