09.10.2026 | 15:51
Միկել Արտետան դարձել է երկրորդ ամենաբարձր վարձատրվող մարզիչն աշխարհում
Բաղդադում երկու հրթիռ է ընկել
Քաղաքականություն
09.01.2020 | 02:25
Իրաքի մայրաքաղաք Բաղդադում երկու «Կատյուշա» տեսակի հրթիռ է ընկել: Զոհեր չկան: Այս մասին հայտնում է CNN-ը:
Հրթիռներն ընկել են Բաղդադի՝ հատուկ հսկողության տակ գտնվող կանաչ գոտում՝ ԱՄՆ դեսպանատան մոտակայքում: Կանաչ գոտում տեղակայված են կառավարական շենքեր և արտասահմանյան դեսպանատներ:
Հիշեցնենք, որ հունվարի 4-ին՝ նույն վայրում ևս 2 հրթիռ էր ընկել:
Հրթիռակոծությունները սկսել են այն բանից հետո, երբ հունվարի 3-ին Արևմտյան Բաղդադում ԱՄՆ-ի օդային հարվածի հետևանքով սպանվեց Իսլամական հեղափոխության պահապանների կորպուսի «Ղուդս» հատուկ ստորաբաժանման ղեկավար, գեներալ Ղասեմ Սուլեյմանին:
Երեկ՝ հունվարի 8-ին Սպիտակ տանը հրավիրած մամուլի ասուլիսի ընթացքում էլ, անդրադառնալով ստեղծված իրավիճակին, ԱՄՆ նախագահ Դոնալդ Թրամփը նշել էր, որ ԱՄՆ զինուժը վերացրել է աշխարհի թոփ ահաբեկչին:
«Որպես «Ղուդս» ստորաբաժանման ղեկավար, Սոլեյմանն անձնապես պատասխանատու էր վատթարագույն ահաբեկչությունների համար։ Նա պատրաստում էր ահաբեկչական խմբեր՝ ներառյալ «Հեզբոլա» շարժումը»,- ասել էր Թրամփը:
