31.01.2026 | 18:10
Մասշտաբային հոսանքազրկում Ուկրաինայում. մետրոն չի աշխատում, ջրամատակարարում չկա
Կիևում հայկական եկեղեցու կառուցումը մտնում է ավարտական փուլ
29.12.2019 | 13:03
Արեւելյան Եվրոպայում խոշորագույն հայկական եկեղեցին աստիճանաբար ստանում է իր վերջնական տեսքը, հայտնում է AnalitikaUA.net-ը:
Հայկական համայնքի բազմամյա երազանքն իրականացվում է, եւ արդեն հեռու չէ այն օրը, երբ տաճարն իր դռները կբացի Հայ առաքելական եկեղեցու ուկրաինական թեմի հավատացյալների եւ հինավուրց Կիեւի հյուրերի առջեւ։
Իհարկե, առջեւում դեռեւս ներքին եւ արտաքին հարդարման աշխատանքներ կան, սակայն արդեն այսօր պատկառազդու եկեղեցին գրավում է Ուկրաինայի մայրաքաղաքի հյուրերի հայացքները։
Թերթը նշում է, որ հայկական եկեղեցին գտնվում է «Բորիսպոլ» օդանավակայանի կողմից Կիեւի մուտքի մոտ եւ փաստորեն դառնում է քաղաքի հյուրերի համար առաջին տեսարժան վայրը։
Կառուցման նախաձեռնողի՝ Ուկրաինայի հայերի միության ղեկավար Վիլեն Շատվորյանի խոսքերով՝ եկեղեցիների կառուցումը թույլ է տալիս իրականացնել հայկական սփյուռքի գլխավոր նպատակներից մեկը՝ Ուկրաինայի ժողովրդին համակողմանի ներկայացնել հայկական մշակույթը։
Հիշեցնենք, որ Կիեւում հայկական մայր տաճարի կառուցման մեկնարկի մասին որոշումը ընդունվել էր դեռեւս 2012թ․, սակայն շինարարական աշխատանքները սկսել հաջողվել էր միայն 2013թ․ մի շարք կարեւոր հարցերի լուծումից հետո։
