06.11.2026 | 19:13
Տեղի է ունեցել Հայաստանի և Վրաստանի պետական սահմանի սահմանազատման և սահմանագծման հանձնաժողովների միջև հանդիպումը
«Արդարությունը պետք վերականգնվի»․ Պավել Մանուկյան. ՏԵՍԱՆՅՈՒԹ
Հասարակություն
18.12.2019 | 12:07
Երևանի ընդհանուր իրավասության դատարանի Շենգավիթի նստավայրում «Սասնա ծռեր» խմբի տասն անդամի գործով դատական նիստին սպանված ոստիկան Յուրի Տեփանոսյանի ծնողները հերթական անգամ դիմել էին դատարան, որպեսզի այս գործով իրենց ևս ներգրավվեն։
Տեփանոսյանի ծնողները պնդում են, որ իրենց որդին սպանվել է ոստիկանների կողմից և պահանջում են, որպեզի իրենց ևս գործում որպես իրավահաջորդ ներգրավեն։
Տեփանոսյանի կինն առարկեց, ասաց, որ չի ցանկանում իր տեղը զիջել մահացած ոստիկանի ծնողներին՝ իր սկեսուրին և սկեսրայրին։
Փաստաբան Տիգրան Եգորյանը դատարանում ասաց, որ պետք է վերջ դնել մեկ անձի որպես իրավահաջորդ ներգրավելու պրակտիկային, և որ Տեփանոսյանի ծնողները պետք է գործում ներգրավվեն ոչ կնոջ իրավունքների հաշվին։
Միջնորդությանը միացան գործով այլ ամբաստանյալներ։
Պավել Մանուկյանն ասաց, որ մեկ տարուց ավելի է՝ սպանված ոստիկանի ծնողը «իրեն պատռում է», որ սպանողները եղել են ոստիկանները և նրան պետք է հնարավորություն տրվի մասնակցելու նիստերին։
Մանրամասները՝ տեսանյութում։
Լիլիթ Շաբոյան
