17.11.2024 | 23:31
Պաշտոնանկություններ կառավարությունում․ 2 նախարար, ուժային կառույցների ղեկավարներ ու ՊԵԿ նախագահն ազատման դիմում են ներկայացրել
Տարածաշրջանում ռազմական հավասարակշռությունը վերականգնելու ուղղությամբ լրջագույն քայլեր են ձեռնարկվել. Նիկոլ Փաշինյան. ՏԵՍԱՆՅՈՒԹ
Քաղաքականություն
06.12.2019 | 12:16
Տարածաշրջանում ռազմական հավասարակշռությունը վերականգնելու ուղղությամբ լրջագույն քայլեր են ձեռնարկվել։ Այս մասին Ազգային ժողովում «ՀՀ 2020թ. բյուջեի մասին» օրենքի նախագծի եզրափակիչ ելույթի ժամանակ ասաց ՀՀ վարչապետ Նիկոլ Փաշինյանը։
«Մի քանի անգամ խոսվել է պաշտպանությանը հատկացվող գումարների և միջոցառումների մասին։ Իհարկե, սա այն թեման է, որի մասին մենք չենք կարող հասկանալիորեն շատ բաց խոսել, բայց ուզում եմ ասել, որ 2018 թվականից ի վեր, ներառյալ 2020 թվականի բյուջեն, մենք 66 մլրդ դրամով ավելացրել ենք պաշտպանական բյուջեն, դա, մոտավորապես, 28 տոկոս է։ Կարող եք հավաստիանալ, որ 2018 թվականի մայիսից ի վեր ՀՀ-ն ձեռք է բերել էլի տեսանելի ժամանակահատվածի հետ աննախադեպ քանակի զենք-զինամթերք, սպառազինություն։ ՀՀ կառավարությունը հստակ շարունակելու է այդ քաղաքականությունը՝ տարածաշրջանում ռազմական հավասարակշռությունը վերականգնելու ուղղությամբ։ Ուզում եմ ասել, որ այդ առումով արդեն իսկ լրջագույն քայլեր ձեռնարկվել են»,- ընդգծեց Փաշինյանը։
Մանրամասները՝ տեսանյութում։
