25.05.2026 | 13:56
«Ձեզ միացնում ենք 5G-ին, հավաքեք հրամանը»․ IDBank-ը զգուշացնում է «կապի թարմացման» անվան տակ տեղի ունեցող զեղծարարության մասին
Գերմանիայում կայացել է Անգելա Մերկելի ու Էմանուել Մակրոնի հանդիպումը
Քաղաքականություն
16.05.2017 | 14:18
Գերմանիայում կայացել է Գերմանիայի կանցլեր Անգելա Մերկելի և Ֆրանսիայի նորընտիր նախագահ Էմանուել Մակրոնի հանդիպումը. տեղեկացնում է svoboda.org-ն:
Մերկելի խոսքով` Եվրամիությունը դժվարին ժամանակներ է ապրում, բայց հույս ունի, որ «ուժեղ Ֆրանսիան կօգնի հաղթահարել այդ դժվարությունները»։
Կանցլերը նշել է, որ պատրաստ է սերտորեն համագործակցել Փարիզի հետ՝ «ճանապարհային քարտեզի» մշակման հարցում, որը կնպաստի ԵՄ երկրների խորը ինտեգրմանը։
Մակրոնը կոչ է արել Եվրամիության բարեփոխումներով զբաղվել արդեն առաջիկա ամիսներին։ Նա նշել է, որ միասնական Եվրոպայում պետք է բյուրոկրատիան գնալով ավելի-ավելի քիչ լինի: Նորընտիր նախագահը հայտարարել է, որ Ֆրանսիայում մեծ բարեփոխումներ են սպասվում:
Նշենք, որ իր լիազորությունները ստանձնելուց հետո սա Ֆրանսիայի նախագահի առաջին պաշտոնական այցն է։
