11.12.2025 | 13:15
Ժամանակավորապես չի գործի Երևանի թիվ 24 մսուր-մանկապարտեզը. այն հիմնանորոգում են
Հնարավոր է՝ ՍԴ անդամները չօգտվեն վաղաժամ կենսաթոշակի գնալու առաջարկից. Լիլիթ Մակունց. ՏԵՍԱՆՅՈՒԹ
Քաղաքականություն
27.11.2019 | 15:33
Հնարավոր է՝ ՍԴ անդամները չօգտվեն վաղաժամ կենսաթոշակի գնալու առաջարկից։ Այս մասին ԱԺ-ում լրագրողների հետ զրույցում, անդրադառնալով Արդարադատության նախարարության ներկայացրած Սահմանադրական դատարանի դատավորների՝ կամավոր հիմքով վաղ կենսաթոշակի անցնելու նախագծին, ասաց «Իմ քայլը» խմբակցության ղեկավար Լիլիթ Մակունցը։
«Նպատակը, որը դրվել է այդ նախագծի հիմքում, մի փոքր այլ է, և նպատակների մասին Արդարադատության նախարարությունը հրապարակել է։ Ընդ որում՝ այդ նախագծի շուրջ աշխատել են նաև Պետաիրավական հանձնաժողովի մեր ներկայացուցիչները։ Նպատակը ոչ թե լուծելն է ճգնաժամը կամ վստահության ճգնաժամը, այլ քայլեր ձեռնարկել այդ վստահությունը վերականգնելու և ինչ-որ կերպ առողջացման գործընթացին նպաստելն է։ Մենք առիթ ունեցել ենք նշելու, որ դատական համակարգի ներսից փոփոխություններն ամենախրախուսելին են, և դատական համակարգն ու դատավորներն իրենք պետք է պատրաստ լինեն որոշակի քայլերի և ընդառաջման գնալու։ Սա այն տարբերակն է, որը քննարկվել է միջազգային գործընկերների հետ և առաջարկվել օգտվել նաև նման հնարավորությունից։ Թե ինչքանով այդ նախագծից կօգտվեն դատավորները, չեմ կարող ասել, չի բացառվում, որևէ մեկը չօգտվի դրանից, բայց կարծում եմ, որ սա այն անհրաժեշտ քայլերից է, որը պետք է ձեռնարկել»,- նշեց Մակունցը։
Մանրամասները՝ տեսանյութում
