03.04.2026 | 17:13
Հենրիխ Մխիթարյանի նախկին մարզիչը սրտի երկու կաթված է ստացել մի քանի ժամում
2020-ի հուլիսի 1-ից երեխայի ծննդյան միանվագ նպաստի չափը կդառնա 300 հազար դրամ. ՏԵՍԱՆՅՈՒԹ
Հասարակություն
28.10.2019 | 11:29
Մենք կունենանք կենսաթոշակների միջին չափի բարձրացում 10 տոկոսով, ինչպես նաև 2020 թվականի հուլիսի 1-ից երեխայի ծննդյան միանվագ նպաստի չափը կդառնա 300 հազար դրամ․ այս մասին ԱԺ-ում 2020 թվականի բյուջեի նախագծի քննարկման ժամանակ ասաց ՀՀ վարչապետ Նիկոլ Փաշինյանը։
«1-ին և 2-րդ երեխաների համար այս պահին սահմանված է 50․000 և 150․000 դրամ, բայց այս թվերը կավելանան։ Մենք մինչև 2 տարեկան երեխայի խնամքի նպաստի չափի ավելացում կունենանք։ Ծնելիության աճի խթանմանն ուղղված ծրագրեր կիրականացվեն, ավելացել է ուսուցիչների աշխատավարձը, ինչը կշարունակվի նաև 2020 թվականին, ուժային կառույցների աշխատողների միջին աշխատավարձի 10 տոկոս բարձրացում կլինի։ Ինչպես նաև սպասվում է ԱԻ նախարարության Փրկարար ծառայության աշխատակիցների միջին աշխատավարձի բարձրացում՝ 30 տոկոսով, անտառապահների և անտառապետերի աշխատավարձերի բարձրացում՝ 20․000 դրամով»,- տեղեկացրեց Նիկոլ Փաշինյանը։
Հիշեցնենք, որ այսօր ԱԺ-ում քննարկվում է 2020 թվականի բյուջեի նախագիծը։
Մանրամասները՝ տեսանյութում։
