23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
Բողոքի ակցիա Գյումրիում. գնացքները չեն աշխատում, մեքենավարները գործադուլ են սկսել
Հասարակություն
23.10.2019 | 14:07
Երեկ կեսօրից Գյումրիի Լոկոմոտիվային դեպոյում մեքենավարները բողոքի ակցիա են իրականացնում: Արդյունքում բեռնատար և մարդատար գնացքները չեն շահագործվում, երկաթուղու աշխատանքը պարալիզացված է:
Տեղեկացանք, որ երկու օր է՝ Գյումրիից Երևան և հակառակ ուղղությամբ գնացքները չեն աշխատում, չի գործում նաև Թբիլիսիի երթուղին:
Մեքենավարները «Հարավկովկասյան երկաթուղու» ղեկավարությունից պահանջում են բարձրացնել իրենց աշխատավարձը: Նման բողոքի ակցիա մեքենավարները կազմակերպել էին նաև շուրջ 11 ամիս առաջ: Այն ժամանակ ՀԿԵ-ն խոստացել էր լուծել խնդիրները, բայց ոչինչ չի փոխվել։
Նշենք, որ լրագրողները հնարավորություն չունեն հանդիպել գործադուլավորների հետ. նրանք դեպոյի տարածքում են, իսկ այնտեղ կողմնակի անձանց մուտքն արգելված է։
Factor.am-ի հետ զրույցում «Հարավկովկասյան երկաթուղի» ընկերության մամուլի քարտուղար Ռուբեն Գրձելյանը նշեց, որ գործադուլավորների գործողություններն անօրինական են:
«Իրենք խախտելով իրենց աշխատանքային պայմանագրերը՝ նման բան են անում։ Օրենքից դուրս է նրանց գործադուլը: Նրանց գործողությունները հակասում են աշխատանքային պայմանագրի դրույթներին: Այս պահին աշխատում ենք իրավիճակի հանգուցալուծման ուղղությամբ: Այնպես չէ, որ մենք իրենց գերեվարել ենք, չեն կարող դուրս գալ: Թող դուրս գան, խոսեն։ Բանակցությունները են ընթանում, աշխատանք է տարվում: Սպասենք, տեսնենք՝ ինչով կավարտվի»,- ասաց Ռուբեն Գրձելյանը։
Չ.Է.
