09.10.2026 | 19:28
ՄԱԿ-ը «մտահոգությամբ» է հետևում Ֆրանսիայում դպրոցական բողոքի ցույցերի ընթացքում բռնություններին
«Մզկիթի վերականգնումը մեր միակ գաղափարը չէ, որ միանշանակ չի ընկալվել»․ Ռուբեն Վարդանյան. ՏԵՍԱՆՅՈՒԹ
14.10.2019 | 21:06
Այս գաղափարը ծնվել է, երբ ընկերներով Շուշի ենք այցելել։ Պետք է ցույց տանք, որ այն, ինչ մեր հողի վրա է, մեզ համար արժեք ունի։ Միշտ չէ, որ պատերազմ է եղել և իրար նկատմամբ ատելություն, եթե ուզում ենք, որ հարգեն մեր մշակույթը, մենք էլ ուրիշներինը պետք է հարգենք։ Այս մասին այսօր՝ Շուշիում Գոհար աղայի վերին մզկիթի բացման արարողության ընթացքում նշեց «Ավրորա» մարդասիրական նախաձեռնության համահիմնադիր Ռուբեն Վարդանյանը։
Factor.am-ի հարցին՝ երբ նախաձեռնում էին Շուշիում մզկիթի վերականգնումը, մտավախություն չկա՞ր, որ այն միանշանակ չի ընդունվի, Ռուբեն Վարդանյանը պատասխանեց. «Առաջին անգամ չէ, որ մեր գաղափարները ոչ միանշանակ են ընդունում։ Այդպես էր, օրինակ, Դիլիջանի UWC դպրոցի հիմնադրման ժամանակ կամ Տաթևի ճոպանուղու ստեղծման։ Ես գիտեմ, որ մեր գաղափարները ոչ բոլորն են ընդունում։ Մյուս կողմից՝ վստահ ենք, որ միայն ուրիշներին օգնելով ու հարգելով ենք ցույց տալիս մեր ազգի տարբերությունը»։
Մանրամասները՝ տեսանյութում։
Նելլի Մելքոնյան
