25.05.2026 | 00:01
Մայիսի 25-ի վաղ առավոտյան ՀՀ ԶՈւ ավիացիան Երևանի կենտրոնում կատարելու է թռիչք․ ՊՆ
Պուտինն ու Էրդողանը Անկարայում հանդես են եկել համատեղ մամուլի ասուլիսով
Քաղաքականություն
29.09.2017 | 11:56
Սեպտեմբերի 28-ի երեկոյան Անկարայում տեղի ունեցած հանդիպումից հետո Ռուսաստանի և Թուրքիայի նախագահներ Վլադիմիր Պուտինն ու Ռեջեփ Թայիփ Էրդողանը հանդես են եկել համատեղ մամուլի ասւլիսով:
Ըստ թուրքական «Timeturk.com»լրատվական կայքի` ասուլիսում առաջինը ելույթ ունեցած էրդողանը գոհունակություն է հայտնել ռուս գործընկերոջը հյուրընկալելու համար՝ նշելով, որ հանդիպմանը հնարավորություն են ունեցել քննարկելու երկկողմ և տարածաշրջանային թեմաներ:
Էրդողանը նշել է, որ այս տարի Ռուսաստանի հետ Թուրքիայի առևտրաշրջանառությունը 24%-ով աճել է և հույս հայտնել, որ շուտով այն կհասնի ավելի վաղ նախանշած 100 մլրդ դոլարի մակարդակին:
Ըստ Թուրքիայի առաջնորդի՝ երկկողմ հարաբերություններում կարևոր տեղ է զբաղեցնում էներգետիկ ոլորտը: Վերջինս տեղեկացրել է, որ հանդիպմանը քննարկել են «Թուրքական հոսք» գազատարի և Ռուսաստանի կողմից Թուրքիայում կառուցվող «Աքքույու» ատոմակայանի շինարարական աշխատանքներին:
Էրդողանն, անդրադառնալով Հյուսիսային Իրաքի քրդական ինքնավարությունում անցկացված հանրաքվեին, ասել է, որ իրենք համակարծիք են Իրաքի տարածքային ամբողջականության պահպանման անհրաժեշտության վերաբերյալ :
Թուրքիայի նախագահից հետո ելույթ ունեցած Պուտինը էլ տեղեկացրել է, որ թուրք գործընկերոջ հետ համաձայնության են եկել մեծացնել ջանքերը Սիրիայի ճգնաժամը հաղթահարելու ուղղությամբ:
Պուտինը ևս գոհունակություն է հայտնել երկկողմ առևտրի ծավալների աճից՝ նշելով, որ անցյալ տարի նվազած ցուցանիշները հնարավոր են եղել մեծացնել Էրդողանի հետ ձեռք բերած պայամանավորվածությունների շնորհիվ: Ռուսաստանի նախագահը տեղեկացրել է նաև, որ Էրդողանի հետ պայմանավորվել են արագացնել Աքքույու ատոմակայանի շինարարությունը. փոխանցում է ermenihaber-ը:
