27.09.2026 | 17:39
Բիլ Գեյթսը զգուշացրել է, որ արհեստական բանականության պատճառով կարող է մինչև մեկ միլիարդ մարդ մահանալ
Արթուր Վանեցյանին երեկվանից քննադատում են, ինչը տարօրինակ է. Իվետա Տոնոյան. ՏԵՍԱՆՅՈՒԹ
Քաղաքականություն
17.09.2019 | 11:37
Ազգային ժողովի ճեպազրույցների ժամին ԲՀԿ խմբակցության պատգամավորները չցանկացան գնահատական տալ ԱԱԾ տնօրեն Արթուր Վանեցյանի հրաժարականին: Նշեցին, որ Վանեցյանի հայտարարությունում կան տողեր, որոնք պետք է պարզաբանվեն:
«Ըստ էության, տեսնում ենք ներիշխանական որոշ պրոցեսներ, և դրանց գնահատական տալու համար հայտարարությունները պետք է բացվեն։ Առայժմ հայտարարությունները բացված չեն, ըստ այդմ՝ դժվար է գնահատական տալ ներիշխանական զարգացումներին: Պարզ է, որ կարող ենք երկու կողմերի հայտարարություններում ենթատեքստեր փնտրել, որոշակի եզրակացություններ անել, սակայն մինչև հստակություն չլինի, գնահատական տալը դժվար է»,- ասաց ԲՀԿ խմբակցության պատգամավոր Արման Աբովյանը:
ԲՀԿ խմբակցության մեկ այլ պատգամավոր Իվետա Տոնոյանն էլ ասաց, որ ակնարկների վրա հիմնված դատողություններ անելը լավագույն ճանապարհը չէ։
«Ինձ մեկ այլ հանգամանք է զարմացնում։ ԱԱԾ տնօրենը, ով ամենաազդեցիկ դեմքերից էր համարվում, երեկվանից դարձել է ամենաբուռն քննադատությունների թիրախ։ Կարծում եմ՝ պարոն Վանեցյանն առիթ կունենա ասելու՝ ինչ է ակնարկել իր հրաժարականի տեքստում։ Կարծում եմ նաև՝ գնդակը բացառապես իշխանության դաշտում է, իշխանությունը պետք է լույս սփռի այս զարգացումների վրա»,- ասաց նա՝ հավելելով, որ Արթուր Վանեցյանի գործունեության շուրջ իրենց խմբակցության վերաբերմունքը բացասական չէ։
Մանրամասները՝ տեսանյութում:
Նարեկ Կիրակոսյան
