06.08.2026 | 19:53
Թուրքիայի պատգամավորները հավանություն են տվել PKK-ի զինյալների սահմանափակ համաներման մասին օրինագծին
Վիտալի Բալասանյանը կկանչվի՞ հարցաքննության. ՀՔԾ-ում և ԱԱԾ-ում խուսափում են պատասխանել հարցին
Հասարակություն
05.09.2019 | 13:25
Օրերս Yerevan.Today-ին տված հարցազրույցում Արցախի Հանրապետության Անվտանգության խորհրդի նախկին քարտուղար, գեներալ-մայոր Վիտալի Բալասանյանը, անդրադառնալով 2008 թվականի Մարտի 1-ի գործին, նշել էր. «Ժողովրդի վրա կրակել է Լևոն Տեր-Պետրոսյանը՝ իր խմբով: Կգա ժամանակը, ես էլ տեղյակ եմ Մարտի 1-ի դեպքերից, ես էլ ինֆորմացիաներ ունեմ՝ ինչ է կատարվել»:
Factor.am-ը Հատուկ քննչական ծառայությունից փորձեց ճշտել՝ արդյո՞ք Վիտալի Բալասանյանի այս արտահայտությունը կդառնա ուսումնասիրության նյութ և Բալասանյանը կկանչվի՞ հարցաքննության՝ իր իմացած տեղեկությունները հայտնելու համար։
Մեր հարցին ի պատասխան՝ ՀՔԾ մամուլի խոսնակ Մարինա Օհանջանյանն ասաց. «Հատուկ քննչական ծառայությունը Վիտալի Բալասանյանի կողմից հարցազրույցում հնչեցրած՝ Ձեր մատնանշած մտքի վերաբերյալ ձեռնպահ է մնում մեկնաբանություն տալուց»։
Նույն հարցադրմամբ Factor.am-ը դիմեց նաև Ազգային անվտանգության ծառայությանը: ԱԱԾ խոսնակ Սամսոն Գալստյանը նշեց, որ կպատասխանեն գրավոր հարցմանը միայն:
Աղավնի Սուքիասյան
