06.05.2024 | 23:35
Պարեկները ապրիլի 29-ից մայիսի 6-ը Երևանում հայտնաբերել են 4 123, մարզերում՝ 12 068 խախտում
Ապրիլյան պատերազմի վերաբերյալ 23 գանգատի դատաքննությունը սկսված է. «Փաստ»
23.09.2017 | 09:04
«Փաստ» օրաթերթը գրում է.
2016 թ. ապրիլյան քառօրյա պատերազմից հետո ստեղծված իրավաբան–իրավապաշտպանների խումբը 359 գանգատ է ներկայացրել Մարդու իրավունքների եվրոպական դատարան:
Իրավաբան–իրավապաշտպանների խմբի անդամ Արա Ղազարյանից հետաքրքրվեցինք՝ ի՞նչ ընթացքի մեջ են գանգատները:
«23 գանգատի դատաքննությունը սկսված է: ՄԻԵԴ–ը նշված գանգատների գործով սկսել է վարույթ իրականացնել»,–«Փաստ»–ին ասաց Արա Ղազարյանը:
Առանձնացված 23 գործերի մեջ են մտնում Թալիշի ծերունիների, ԼՂՀ ՊԲ սպանված զինվորների դիակների անարգանքի և երեք զինվորների գլխատումների գործերը: ՄԻԵԴ ներկայացված բոլոր գանգատները 2016 թ. ապրիլի 2–5–ը ղարաբաղա–ադրբեջանական սահմանին Ադրբեջանի կողմից հրադադարի ռեժիմի խախտման հետևանքով սկսված մարտական գործողությունների ընթացքում ադրբեջանական զինված ուժերի կողմից ԼՂՀ քաղաքացիական բնակչության և զինծառայողների իրավունքների խախտումների առնչությամբ են:
Առավել մանրամասն՝ թերթի այսօրվա համարում:
