02.04.2026 | 23:17
Պարսից ծոցի երկրները քննարկում են խողովակաշարերի կառուցման հարցը՝ Հորմուզի նեղուցով նավթ չմատակարարելու համար. FT
Անհասկանալի էր խորհրդարանական ընդդիմության բացակայությունը համաժողովին. Կիրո Մանոյան
Քաղաքականություն
20.09.2017 | 17:13
Հայաստան-սփյուռք համաժողովից չպետք է գործնական արդյունք ակնկալել: Այս մասին այսօր Կարեն Դեմիրճյանի անվան մարզահամերգային համալիրում հայտարարեց ՀՅԴ Բյուրոյի Հայ դատի և քաղաքական հարցերի գրասենյակի պատասխանատու Կիրո Մանոյանը: Ըստ պարոն Մանոյանի՝ մեծաթիվ մասնակիցներով համաժողովներն ընդհանրապես և՛ դրական, և՛ բացասական կողմեր են ունենում:
Մանոյանը պարզաբանեց՝ դրականն այն է, որ բոլոր ցանկացողները մասնակցելու և իրենց մտքերն արտահայտելու հնարավորություն են ստացել. «Բայց մյուս կողմից ով ինչ ուզում է, ասում է, սակայն դա նշանակում է, որ գործնական արդյունքներ չեն լինի»:
Կիրո Մանոյանի համար պարզ չէ, թե ինչպես պետք է այս համաժողովի շրջանակում գործնական պայմանավորվածություններ ձեռք բերվեն: Նրա պատկերացմամբ՝ համաժողովը պարզապես հնարավորություն էր Հայաստանի բարձրաստիճան պաշտոնյաների հետ հանդիպելու և մտքեր փոխանակելու:
ՀՅԴ-ական գործիչը անհասկանալի է համարում նաև այն, որ Հայաստան-սփյուռք համաժողովին ներկա չէր խորհրդարանական ընդդիմությունը:
«Ես «Ծառուկյան» խմբակցությունից մեկ-երկու հոգու տեսա այստեղ, բայց եթե «Ելքին» չեն հրավիրել դա լրիվ անհասկանալի է»,- հավելեց Հանրապետական կուսակցության կոալիցիոն գործընկեր ՀՅԴ Բյուրոյի Հայ դատի և քաղաքական հարցերի գրասենյակի պատասխանատուն:
Մանրամասները՝ տեսանյութում:
Շողիկ Գալստյան
