03.08.2026 | 23:30
Տաթև-Լծեն ավտոճանապարհին բեռնատարը դուրս է եկել երթևեկելի հատվածից և բախվել հողաթմբին
Փոքր հասարակության «փոքր» մարդիկ. ո՞ւմ է ձեռնտու հոգեբուժարանների օպտիմալացումը
Հասարակություն
15.09.2017 | 19:37
Հայաստանի Հանրապետության հոգեբուժական օգնության և ծառայությունների ներկայիս մակարդակը հեռու է բավարար լինելուց, ավելին՝ կարելի է ասել՝ այն ճգնաժամային է: Պետական մի շարք այցելություններ կազմակերպելով հոգեբուժական հաստատություններ՝ ի վերջո Առողջապահության նախարարությունը ստեղծված ծայրահեղ վիճակից դուրս գալու ելքը գտավ հոգեբուժարանների օպտիմալացման մեջ:
Գերատեսչությունն ակնկալում է մինչև տարեվերջ ավարտին հասցնել միաձուլման գործընթացը, որի արդյունքում Նորքի հոգեբուժարանի հիվանդների մի մասը կտեղափոխվի Նուբարաշենի, մի մասն էլ Ավանի հոգեբուժարարաններ: Ազատվող շենքն այլևս չի տնօրինելու Առողջապահության նախարարությունը: Իսկ ինչ վերաբերում է օպտիմալացման արդյունքում նախատեսվող տարեկան 200 միլիոնից ավելի գումարների տնտեսմանը, ապա դա կմնա հոգեբուժության ոլորտում և հիմնականում կներդրվի կրճատումից խուսափել կարողացող բուժաշխատողների աշխատավարձները բարձրացնելու մեջ. սա ՀՀ Առողջապահության նախարարության դիրքորոշումն է:
Առաջին ձեռքից այս ոլորտի խնդիրների մասին տեղեկություն ստանալու և իրականությունը ներկայացնելու նպատակով Factor.am-ը որոշակի ուսումնասիրություններ կատարեց՝ գնալով այս ոլորտի հետ այս կամ այն կերպ առնչվող քաղաքացիների և մասնագետների հետքերով:
Մանրամասները՝ տեսանյութում:
Գոհար Ավագյան
