Հասարակություն
22.07.2019 | 12:42Մամուլի ազատությունը չափազանց կարևոր է։ ԵՄ-ում առանձին նախաձեռնություն ենք իրականացնում՝ Հայաստանում լրատվամիջոցներին աջակցելու համար։
Այս մասին այսօր Հայաստան-ԵՄ հարաբերություններին և ՀՀ-ում իր դիվանագիտական առաքելության ամփոփմանը նվիրված ասուլիսի ընթացքում նշեց Հայաստանում ԵՄ դեսպան Պյոտր Սվիտալսկին։
«Հետհեղափոխական ժամանակահատվածում հասարակության ժողովրդավարացման կառուցման կարևորագույն բաղադրիչներից մեկն անկախ մամուլի համար միջավայր ստղեծելն է։ Դա, իհարկե, շուտ չի լինի։ Անհրաժեշտ է պատշաճ օրենսդրությամբ կարգավորվող դաշտ ունենալ»,- նշեց Սվիտալսկին։
Նրա խոսքով՝ մամուլի ազատության համար շատ կարևոր է նաև տնտեսական կենսունակությունը, առանց որի ոչինչ տեղի չի ունենա։ «Ինչպես այլ երկրներում, Հայաստանում նույնպես, մեդիան տնտեսական անկախության և կայունության խնդիր ունի։ Վստահ եմ, որ Եվրամիությունը պատրաստ է աջացել Հայաստանին՝ լուծելու այդ խնդիրը»,- ընդգծեց ՀՀ-ում ԵՄ դեսպանը։
Մանրամասները՝ տեսանյութում:
Նելլի Մելքոնյան
