17.12.2025 | 21:49
Լավրովն ու Արաղչին քննարկել են Հյուսիս-Հարավի համար ռազմավարական Ռեշտ-Աստարա երկաթուղու շինարարությունը
Մանվել Գրիգորյանը կմնա կալանքի տակ. դատարանը մերժեց պաշտպանների միջնորդությունը
Հասարակություն
09.07.2019 | 14:46
Դատավոր Մնացական Մարտիրոսյանը կրկին մերժեց Մանվել Գրիգորյանի խափանման միջոցը փոխելու վերաբերյալ միջնորդությունը: Գրիգորյանը կշարունակի մնալ անազատության մեջ:
Նշենք, որ Մանվել Գրիգորյանի պաշտպան Լևոն Բաղդասարյանն այսօր միջնորդեց Գրիգորյանին անհապաղ ազատ արձակել` արտերկրում բուժվելու համար, կամ 10 միլիոն դրամ գրավի դիմաց փոխել նրա խափանման միջոցը:
Մեղադրող կողմն առարկեց միջնորդության դեմ:
Հիշեցնենք, որ Մանվել Գրիգորյանը մեղադրվում է 2016թ.-ի ապրիլյան քառօրյա պատերազմի և դրան հաջորդած օրերին Արցախի Հանրապետության սահմանների պաշտպանությունն իրականացնող զինվորականների և կամավորների կարիքները հոգալու նպատակով հատկացված գույքը յուրացնելու համար։ Նրա կինը՝ Նազիկ Ամիրյանը, որն այսօր նույնպես ներկա է դատական նիստին, մեղադրվում է Մանվել Գրիգորյանի որդու՝ Ա․ Գրիգորյանի և քննությամբ չպարզված այլ անձանց հետ նախնական համաձայնությամբ, ապօրինի կերպով հրազեն, ռազմամթերք, ակոսափող հրազենի փամփուշտներ, պայթուցիկ նյութեր ձեռք բերելու, փոխադրելու և իրենց պատկանող տներից մեկում պահելու համար։
