08.06.2026 | 13:15
Ուկրաինական ԱԹՍ-ն Ղրիմում հարվածել է Մոսկվա-Սիմֆերոպոլ գնացքին
Անհայտ է, թե «Գոլդեն Փելես» հյուրանոցը երբ կդառնա պետության սեփականությունը
Հասարակություն
28.06.2019 | 18:30
Պետությունը դեռ չի ընդունել Մաքսային կոմիտեի նախկին նախագահ Արմեն Ավետիսյանի նվիրած «Գոլդեն Փելես» հյուրանոցը, որը գտնվում է Ծաղկաձորում: Այս մասին Factor.am-ին տեղեկացրեց Պետական գույքի կառավարման կոմիտեի նախագահ Նարեկ Բաբայանը: «Չեմ կարող ասել, թե երբ կլինի, ընթացքի մեջ է»,- ասաց նա:
Հիշեցնենք, որ հունիսի 7-ին Factor TV-ի եթերում Նարեկ Բաբայանը հայտարարել էր, որ պետությունը մի քանի օրից կընդունի հյուրանոցը: Փաստորեն, անցել է 20 օր, բայց նվիրատվությունն ընդունելու օրը դեռ հայտնի չէ։
Ավետիսյանների՝ հյուրանոցը պետությանը նվիրելու մտադրության մասին հայտնի դարձավ նախորդ տարվա նոյեմբերին: Նախընտրական քարոզարշավի ժամանակ նման հայտարարություն էր արել ՀՀ վարչապետ Նիկոլ Փաշինյանը:
Հիշեցնենք, որ ՀՀ Ազգային անվտանգության ծառայության քննչական վարչությունում հարուցվել էր քրեական գործ ՀՀ մաքսային պետական կոմիտեի նախկին նախագահ Արմեն Ավետիսյանի կողմից ձեռնարկատիրական գործունեությանն ապօրինի մասնակցելու և հանցավոր ճանապարհով ստացված առանձնապես խոշոր չափերով գումարներն օրինականացնելու (փողերի լվացում) դեպքի առթիվ` նախատեսված ՀՀ քրեական օրենսգրքի 310-րդ հոդվածով և 190-րդ հոդվածի 3-րդ մասի 1-ին կետով: ԱԱԾ մամուլի կենտրոնի ղեկավար Սամսոն Գալստյանը մեզ հետ զևուցում տեղեկացրեց, որ գործը նախաքննության փուլում է:
Նարեկ Կիրակոսյան
