02.07.2026 | 10:25
Ուրսուլա ֆոն դեր Լայենը ժամանեց Երևան
2018թ. այն ժամանակվա քաղաքական մեծամասնությունն արհամարհեց ժողովրդի կամքը. Կարապետ Բադալյան. ՏԵՍԱՆՅՈՒԹ
Քաղաքականություն
24.06.2019 | 17:38
Սահմանադրական դատարանի դերը 2005-2015-ի սահմանադրություններում էականորեն փոխվել է, առաջին հերթին այն պատճառով, որ մենք կառավարման համակարգ ենք փոխել: «ՍԴ դատավո՞ր, թե՞ նախագահ. աղմկահարույց հայտարարության դիլեման» թեմայով քննարկման ժամանակ այս մասին ասաց փաստաբան Կարապետ Բադալյանը:
«Մենք նախագահական համակարգից անցել ենք խորհրդարանականի, որտեղ ՍԴ-ի դերն աճել է՝ ոչ միայն տեսական, այլ նաև գործնական: Երբ համեմատում ենք 2005թ. Սահմանադրությամբ ՍԴ-ի լիազորությունների շրջանակը 2015-ի Սահմանադրության հետ, տարբերությունները տասնյակից ավելի են»,- ասաց փաստաբանը:
Նա նշեց, որ մի շարք մանրամասներ կան, որոնք մեկտեղելու և համեմատելու դեպքում հասկանում ես, որ տարբերություններն էական են. «Հիմա անդա՞մ, թե՞ դատավոր. դրանք էականորեն տարբեր են: Սահմանադրական դատարանի դերը փոխվել է, ֆունկցիաները փոխվել են»:
Կարապետ Բադալյանի խոսքով, երբ 2015 թվականին ժողովուրդը հանձնարարել էր ՍԴ կազմավորել իր պահանջներով, այն ժամանակվա քաղաքական մեծամասնությունն արհամարհեց: «Քաղաքական մեծամասնությունը որոշեց, որ 2018 թվականին՝ ժողովրդի կամքի արտահայտությունից երեք տարի հետո Սահմանադրոթյան այն հոդվածները, որոնք վերաբերում են ՍԴ-ի կառուցվածքին, դատավորների պաշտոնավարման ժամկետին, նշանակմանը, դա պետք է արհամարհի մոտակա 25 տարվա համար: Դրա համար ՍԴ նախագահ ընտրեցին մեկին, որին փորձեցին վերագրել նախկին Սահմանադրությամբ պաշտոնավարման տևողությունը: Եթե ՍԴ նախագահը պաշտոնավարելու է մոտակա 25 տարին, Սահմանադրության այս հոդվածները չեն կիրառվում: Սա կամայականություն է, գործողություն է ժողովրդի կամքի դեմ»,- ասաց փաստաբանը:
Մանրամասները՝ տեսանյութում:
