18.12.2025 | 12:26
Նիկոլ Փաշինյանը շնորհավորական ուղերձ է հղել Կատարի Ազգային տոնի առիթով
Չեմ հասկանում՝ 1 տարի առաջ ո՞ւմ ենք մերժել, ինչո՞ւ է Սերժ Սարգսյանի մտերիմը շարունակում պաշտոնավարել․ Արման Բաբաջանյանը՝ Լևոն Յոլյանի մասին․ ՏԵՍԱՆՅՈՒԹ
Քաղաքականություն
24.06.2019 | 16:19
2007 թվականից Հայաստանի աղքատ բնակչության թիվը պաշտոնական տվյալներով ավելացել է 100 հազարով, իսկ ոչ պաշտոնականով՝ 500 հազարով. 10 տարվա ընթացքում հասարակական բևեռացումը ոչ թե պակասել է, այլ ավելացել․ հարուստներն ավելի են հարստացել, աղքատներն՝ ավելի աղքատացել։
Այս մասին այսօր Ազգային ժողովում ասաց «Լուսավոր Հայաստան» խմբակցության պատգամավոր Արման Բաբաջանյանը՝ ներկայացնելով այլ վիճակագրական տվյալներ ևս։
«2007 թվականին երկրում գործազկությունը 18․5 տոկոս էր, 2018 թվականին՝ մնացել է նույն մակարդակին։ 2007 թվականի վերջին ՀՆԱ-ն կազմում էր 11․9 մլրդ դոլար, 2017 թ․ վերջը փակել ենք ավելի քիչ՝ 11․5 մլրդ դոլար ՀՆԱ-ով։ Փոխարենը տպավորիչ կերպով աճել է երկրի արտաքին պարտքը․ 2007 թվականի վերջին այն կազմում էր 1․5 մլրդ դոլար, 2017 թվականի վերջին՝ 6,7 մլրդ դոլար։ Զուգահեռաբար նվազել է ՀՀ-ի մշտական բնակչության թիվը՝ 2007 թվականին՝ այն 3 մլն 230 հազար էր, 2018-ի հունվարի մեկին՝ 2 մլն 972 հազար․ այսինքն 10 տարիների ընթացքում կրճատվել է առնվազն 260 հազարով։ 2007 թվականի վերջին ՀՀ յուրաքանչյուր բնակչի ուսին կուտակված էր 588 դոլար պարտք, 2017 թվականի վերջին՝ 2254 դոլար կամ 3․8 անգամ ավելի շատ»,- ասաց պատգամավորը՝ նշելով, որ Լևոն Յոլյանը պետական կառավարման համակարգում սկսել է աշխատել հենց 2007 թվականից և ինքը թվարկեց հենց նրա պաշտոնավարման այս ողջ ընթացքի վիճակագրությունը։
«Ես այս քննարկումը ֆարս եմ համարում և տարօրինակ է, որ մեզ էլ մասնակից եք դարձնում այս քննարկմանը։ Չեմ հասկանում՝ մեկ տարի առաջ ո՞վ է մերժել, ինչո՞ւ է միայն նա մերժվել, արդյոք այդ մերժումը վերաբերելի՞ է եղել, թե մերժվողն այդ մարդակուլ համակարգն է եղել, որի առանցքային դերակատարն է եղել նաև Լևոն Յոլյանը»,- ասաց պատգամավորը՝ հարց հնչեցնելով, թե որն է պատճառը, որ Սերժ Սարգսյանի մտերիմ Լևոն Յոլյանը հեղափոխությունից հետո շարունակում է զբաղեցնել այս կարևոր պաշտոնը։
Մանրամասները՝ տեսանյութում։
