09.10.2026 | 22:57
Կարո՞ղ է Իսրայելը բաժանել Բաքվին և Անկարային․ ինչի կարող են հանգեցնել վերջին հակասությունները․ BBC-ի անդրադարձը
Այո՛, Պաշտպանության բանակի զինծառայողները մասնակցել են. Մովսես Հակոբյանը՝ մարտի 1-ին Արցախից Երևան եկած զորքի մասին. ՏԵՍԱՆՅՈՒԹ
Քաղաքականություն
28.05.2019 | 11:39
ՀՀ Զինված ուժերի շտաբի նախկին պետ, գլխավոր ռազմական տեսուչ Մովսես Հակոբյանը Սարդարապատում Factor.am-ի հետ զրույցում բացառեց, որ Ազգային ժողովում ստեղծվելիք հանձնաժողովը կբացահայտի, թե ապրիլյան պատերազմը պայմանավորվածությունների արդյունք է: Նա նշեց, որ չի կարող ասել, թե ընդհանրապես ինչ բացահայտումներ կլինեն։
Factor.am-ի դիտարկմանը, որ զոհվածների ծնողներն ուշագրավ հայտարարություն են անում ապրիլյան պատերազմի՝ պայմանավորված լինելու մասին, ԶՈՒ շտաբի նախկին պետը պատասխանեց, որ հարգանք ունենալով զոհվածների հարազատների հանդեպ՝ հայտարարում է, որ նման բան չկա։
Մովսես Հակոբյանից հետաքրքրվեցինք՝ բացառու՞մ է, որ խորհրդարանական հանձնաժողովը չի պարզի, որ զինվորները զենքի, վառելիքի խնդիր են ունեցել, ինչին Հակոբյանը պատասխանեց. «Բացառում եմ, որ այդպիսի խնդիր եղած լինի բանակում»:
Հակոբյանին խնդրեցինք մեկնաբանել նաև Գորիսի կայազորի ռազմական ոստիկանության նախկին պետ Աշոտ Վանյանի այն հայտարարությունը, որ 2008 թվականի մարտի 1-ին Արցախից Երևանի զինվորականների ավտոշարասյուն է եկել և ինքն անձամբ է դիմավորել: Հիշեցնենք, որ Վանյանը նշել էր 50.100 մեքենայի մասին։
«Պետք է ճիշտ հասկանալ, թե ինչ է նշանակում Արցախից բերած զորքը, Արցախի Հանրապետությա՞ն, թե՞ Պաշտպանության բանակի։ Այո՛, պաշտպանության բանակի զինծառայողները մասնակցել են: Մեծագույն անգրագետ է, որ լինելով ոստիկանապետ՝ չի տարբերում զորքերի կառուցվածքը»,- ասաց նա։
Մանրամասները տեսանյութում։
Նարեկ Կիրակոսյան
