15.10.2026 | 18:23
Տեղի է ունեցել ՀՀ վարչապետի և Ֆրանկոֆոնիայի միջազգային կազմակերպության գլխավոր քարտուղարի հանդիպումը
Կառավարությունը պահուստային ֆոնդից 53 միլիոն դրամ` Ազգային Ժողովին
31.08.2017 | 12:42
ՀՀ Կառավարությունն այսօրվա նիստի ընթացքում չզեկուցվող ընթացակարգով հաստատեց պահուստային ֆոնդից Ազգային Ժողովի զորանոցի և ԱԺ-ի ջեռուցման հարցը կարգավորելու նպատակով 53 միլիոն դրամ ԱԺ-ին փոխանցելու հարցը:
Կառավարության որոշման նախագիծը գործադիրին ներկայացրեց ֆինանսների նախարար Վարդան Արամյանը: Հատկացումը բյուջետային ծախսերի տնտեսագիտական դասակարգման «Շենքերի և կառույցների ընթացիկ նորոգում և պահպանում» հոդվածով է իրականացվելու: Հատկացումը նախատեսված է ՀՀ Ազգային ժողովի մասնաշենքում գտնվող ՀՀ պետական պահպանության ծառայության զորանոցի և ՀՀ Ազգային ժողովի շենքի ջեռուցման համակարգի ընթացիկ նորոգման աշխատանքների իրականացման համար: ՀՀ պետական պահպանության ծառայության զորանոցը գտնվում է ծայրահեղ անմխիթար վիճակում: Վթարային իրավիճակում է գտնվում նաև ՀՀ Ազգային ժողովի շենքի ջեռուցման համակարգը, որը 2016-2017թթ-ի ձմռան ամիսներին խոչընդոտել է աշխատակազմի բնականոն գործընթացը:
Հանձնարարվեց. հատկացվող գումարի 31 միլիոն դրամի շրջանակներում իրականացնել ՀՀ Ազգային ժողովի մասնաշենքում գտնվող ՀՀ պետական պահպանության ծառայության զորանոցի դռների, պատուհանների, պատուհանագոգերի, փականների փոփոխում և տեղադրում, զորանոցի երկու հարկերի առանձին կաթսաներով ջեռուցման սարքի տեղադրում, պատերի երեսապատման, ներկման աշխատանքներ, Էլեկտրահաղորդալարերի առանձին հատվածների և էլեկտրասարքերի փոխում: 22 մլիոն դրամի շրջանակներում իրականացնել ՀՀ Ազգային ժողովի ընդհանուր կաթսայատան, մայրուղու գծերի և ջերմային հանգույցների, վարչական շենքի և նոր մասնաշենքերի, վարչական շենքի կցակառույցի ջեռուցման համակարգերի մասնակի նորոգում:
