Քաղաքականություն
02.05.2019 | 16:48Գագիկ Ծառուկյանի նկատմամբ կատարվող գործողություններում մենք տեսնում ենք քաղաքական ենթատեքստ։ Այս մասին Ազգային ժողովում լրագրողների հետ զրույցում ասաց ԱԺ փոխնախագահ Վահե Էնֆիաջյանը։
«Գործողությունները լինելու են համարժեք և քաղաքական։ Ըստ զարգացումների՝ մեր պատասխանները և գործողությունները չեն ուշանա։ Մեր քաղաքական ուժը Գագիկ Ծառուկյանի գլխավորությամբ հարգանք և վստահություն է վայելում»,- շարունակեց ԱԺ փոխնախագահը՝ նկատելով, որ իրենց և մասնավորապես Գագիկ Ծառուկյանի լեգիտիմությունը որևէ մեկը կասկածի տակ դնել չի կարող։
Այսօր ավելի վաղ գլխավոր դատախազ Արթուր Դավթյանը տեղեկացրեց, որ «Բարգավաճ Հայաստան» կուսակցության նախագահ Գագիկ Ծառուկյանի վերաբերյալ «Քաղաքացու որոշում» կուսակցության ներկայացրած հանցագործության մասին հաղորդումն ուղարկվել է Հատուկ քննչական ծառայություն։
Մանրամասները՝ տեսանյութում:
Շողիկ Գալստյան
