12.07.2026 | 08:28
ԱԱ-2026․ Կիսաեզրափակիչում՝ Արգենտինա – Անգլիա․ ՏԵՍԱՆՅՈՒԹ
Ի՞նչ պաշտոն է ստացել Սերգեյ Ավետիսյանը և ինչո՞ւ էր շրջում Նիկոլ Փաշինյանի հետ
Քաղաքականություն
29.04.2019 | 10:13
Հայաստանի Հանրապետության կառավարությանն առընթեր քաղաքացիական ավիացիայի գլխավոր վարչության նախկին պետ Սերգեյ Ավետիսյանը նշանակվել է «Արմենիա» միջազգային օդանավակայանի փոխտնօրենի պաշտոնում:
Այս մասին Factor.am-ի հետ զրույցում ասաց Սերգեյ Ավետիսյանը: Ապրիլի 5-ին վարչապետ Նիկոլ Փաշինյանն աշխատանքային այցով Գյումրիում էր: Նա շրջայց էր կատարել նաև «Արմենիա» միջազգային օդանավակայանի մաս կազմող «Շիրակ» օդանավակայանում:
Փաշինյանին ուղեկցում էր Սերգեյ Ավետիսյանը: Factor.am-ի հարցին, թե ինչու էր ուղեկցում Նիկոլ Փաշինյանին, Սերգեյ Ավետիսյանը պատասխանեց, որ զբաղեցնում է «Արմենիա» միջազգային օդանավակայանի փոխտնօրենի պաշտոնը և իր ներկայությունը պայմանավորված էր իր պաշտոնով:
Հիշեցնենք, որ 2018 թվականի հունիսին վարչապետ Նիկոլ Փաշինյանի որոշմամբ Սերգեյ Ավետիսյանն ազատվել էր Հայաստանի Հանրապետության կառավարությանն առընթեր քաղաքացիական ավիացիայի գլխավոր վարչության պետի պաշտոնից՝ իր դիմումի համաձայն: Սերգեյ Ավետիսյանն այս պաշտոնը զբաղեցնում էր 2016 թվականից՝ Հովիկ Աբրահամյանի որոշմամբ: Իսկ մինչ այդ Ավետիսյանը էկոնոմիկայի փոխնախարար էր:
Նարեկ Կիրակոսյան
