02.04.2026 | 20:22
Ամերիաբանկը IFC-ի կողմից ճանաչվել է GTFP լավագույն թողարկող բանկը Կովկասյան տարածաշրջանում
«Օրորներ» կրթական ծրագիրը՝ որպես երեխայի մոտ նախնական գեղագիտական ընկալումներ զարգացնելու միջոց
Մշակույթ
25.08.2017 | 14:04
Ս. թ. օգոստոսի 26-ին, ժ. 17:00-ին, Կոմիտասի թանգարան-ինստիտուտում տեղի կունենա «Օրորներ» կրթական ծրագրի յոթերորդ հանդիպումը: Հանդիպման ընթացքում մասնակիցները կծանոթանան հայ ավանդական օրորներին, այնուհետև կսովորեն մի քանի օրոր:
Հանդիպումը կվարի Նայիրի Խաչատուրեանը:
«Օրորներ» կրթական ծրագրի նպատակն է առօրյա կենցաղ վերադարձնել և տարածել հայկական ավանդական օրորները՝ որպես երեխայի մոտ նախնական գեղագիտական ընկալումներ զարգացնելու, ներդաշնակ հոգեբանական զարգացումը խթանելու, նրան ազգային երաժշտության ավանդույթներին հաղորդակից դարձնելու և հայեցի դաստիարակելու կարևոր միջոց:
Հիշեցնենք, որ Կոմիտասի թանգարան-ինստիտուտի այս կրթական ծրագիրն ԻԿՕՄ-ի կրթության և մշակութային գործունեության միջազգային կոմիտեի «Լավագույն փորձ» կրթական ծրագրերի 2016 թվականի մրցանակաբաշխությունում արժանացել է մրցանակի և ընդգրկվել լավագույն հնգյակում:
