19.08.2026 | 21:27
Ռուսներին ներգրավում են ՊՆ-ի հետ պայմանագրերում՝ Wildberries-ի և Ozon-ի պահեստներում թափուր աշխատատեղերի անվան տակ․ «Вёрстка»
Ավտոմաքսատան պետը ևս ազատման դիմում է գրել․ Դավիթ Անանյանը՝ Փաշինյանի այցի հետևանքների մասին. ՏԵՍԱՆՅՈՒԹ
Հասարակություն
11.04.2019 | 12:07
ՊԵԿ նախագահ Դավիթ Անանյանն այսօր Կառավարության նիստից հետո տեղի ունեցած ճեպազրույցում լրագրողների հարցերին ի պատասխան՝ անդրադարձավ Արարատյան մաքսատանը Հայաստանի դրոշի հետ կապված միջադեպին, երբ վարչապետը մաքսատան մի աշխատակցի հրահանգեց աշխատանքից ազատվելու դիմում ներկայացրել:
Անանյանը հիշեցրեց, որ ապրիլի 9-ի առավոտյան վարչապետ Նիկոլ Փաշինյանը եղել է ՊԵԿ-ում, այցելել Կոմիտեի մի քանի ծառայություններ, և այցի արդյունքներով մի քանի տեսակետ հայտնել հանրությանը:
«Հիմա դուք կենտրոնացել եք մի փոքր էպիզոդի վրա, որը, ձեր կարծիքով, առերևույթ սենսացիա է պարունակում: Այն, ինչ վարչապետը տեսավ ու նրա դուրը չեկավ, նա որոշակի մտքեր արտահայտեց և կոչ կամ հորդոր ուղղեց: Այդ կոչին կամ հորդորին մեր աշխատակիցը պատասխանել է դիմում գրելով»,- ասաց նա:
Նրա խոսքով՝ աշխատանքից ազատման դիմում է գրել նաև ավտոմաքսատան պետը. «Այդ մարդկանց ընտրությունն է»:
Դավիթ Անանյանը, միաժամանակ, չցանկացավ պատասխանել հարցին՝ արդյո՞ք այս ամենում վարչապետի կողմից ճնշում չի տեսնում:
Մանրամասները՝ տեսանյութում:
Աղավնի Սուքիասյան
