08.03.2026 | 11:24
Թրամփը աղջիկների դպրոցի վրա հարվածի մեղքը դնում է Իրանի վրա
Վոլգոգրադի մարզում հայ սահմանախախտ է ձերբակալվել
Հասարակություն
10.04.2019 | 13:06
Ռուսաստանի ԱԴԾ աշխատակիցները հայ սահմանախախտի են ձերբակալել: Նրան մեղավոր են ճանաչել Ռուսաստան մուտքի ռեժիմը խախտելու համար և ազատազրկման դատապարտել, գրում է mk.ru-ն:
Քննության տվյալներով՝ անցյալ տարվա ապրիլին քաղաքացին, որի մուտքը ՌԴ արդեն արգելվել էր, հայրենիքում՝ Հայաստանում նոր անձնագիր է ստացել՝ փոփոխված տվյալներով, հետո Բելառուսի կողմից մեքենայով Ռուսաստան ժամանել՝ Բրյանսկի մարզ:
«Հետո նա Վոլգոգրադի մարզ է մեկնել, որտեղ էլ հայտնաբերվել և ձերբակալվել է»,- հայտնել են Բրյանսկի դատախազության մամուլի ծառայությունում:
Իրավապահների տեղեկացմամբ՝ տղամարդը նախկինում նույնպես ապօրինի հատել է պետական սահմանը, ինչի համար դատապարտվել է և կրել պատիժը: Այս անգամ Հայաստանի քաղաքացուն մեկ տարվա ազատազրկման են դատապարտել, նա պատիժը կկրի խիստ ռեժիմի ուղղիչ գաղութում:
