05.11.2024 | 17:39
«Դիմակայունություն Սյունիք» ծրագրով մարզին 49 մլն եվրո պետք է հատկացվի․ Ռոբերտ Ղուկասյան․ ՏԵՍԱՆՅՈՒԹ
Գրավատների և փոխանակման կետերի պետտուրքի բարձրացումը որևէ առնչություն չունի հարկային բարեփոխումների հետ, պատասխանատուն ԿԲ-ն է. Մանե Թանդիլյան
Տնտեսություն
10.04.2019 | 12:38
ՀՀ ԱԺ «Լուսավոր Հայաստան» խմբակցության պատգամավոր Մանե Թանդիլյանը ֆեյսբուքի իր էջում արված գրառմամբ անդրադարձել է այսօր ԱԺ տնտեսական հարցերի մշտական հանձնաժողովի նիստում քննարկվող գրավատների և փոխանակման կետերի պետական տուրքը բարձրացնելու հարցին ու առաջարկ ներկայացրել:
«Գրավատների և փոխանակման կետերի պետական տուրքի բարձրացումը որևէ առնչություն չունի հարկային բարեփոխումների հետ:
Այդ ոլորտի պատասխանատուն հանդիսանում է կենտրոնական բանկը և անտրամաբանական է ֆինանասական վերահսկողության շրջանակներում ներկայացվող առաջարկը ներկայացնել կառավարության հարկային բարեփոխումների շրջանակներում:
Ոլորտի վերաբերյալ կենտրոնական բանկի մտահոգությունները, լուծման ուղիները միանշանակ անհրաժեշտ է քննարկել և իրականացնել բարեփոխումներ այդ ոլորտներում:
Հետևաբար, առաջարկում եմ կառավարությանը հարկային բարեփոխումների փաթեթից հանել «Պետական տուրքի մասին» ՀՀ օրենքում ֆինանսական հաստատություններին վերաբերյալ փոփոխությունների մասը և այդ հարցը խորհրդարանում քննարկել որպես կենտրոնական բանկի կողմից առանձին ներկայացվող առաջարկ՝ ոլորտում առկա խնդիրների լուծման համատեքստում»,- գրել է նա:
