Քաղաքականություն
28.03.2019 | 11:31Քաղաքացու օր ստեղծելու գաղափարը քննադատում են այն մարդիկ, ովքեր այդ օրը պարտվել են և ամեն ինչ արել են, որ ՀՀ-ում քաղաքացին չկայանա: Factor.am-ի հետ զրույցում այս մասին ասաց Ազգային ժողովի փոխխոսնակ Ալեն Սիմոնյանը:
«Կարծում եմ՝ նորմալ է, որ այդ մարդիկ դժգոհում են, և իրենք շարունակելու են դժգոհել յուրաքանչյուր դրական քայլի պարագայում: Ինչ վերաբերում է օրինագիծն Ազգային ժողով տանելուն, կարծում եմ՝ հաջորդ քառօրյային մեր օրակարգում կունենանք նաև այդ հարցը»,- ասաց Սիմոնյանը:
Դիտարկմանը, որ քննադատներն ասում են՝ Կառավարությունն արդեն անելիք չունի, հիմա այսպիսի շոուներ է անում, ԱԺ փոխխոսնակն արձագանքեց. «Այդ արտահայտությունն արդեն տասը ամիս է՝ անում են, բայց, արի ու տես, բազմաթիվ գործեր են արվում, բազմաթիվ փոփոխություններ կան Հայաստանում: Իսկ մեր բառապաշարն օգտագործելով՝ հաջողության իրենք չեն հասնի: ՀՀ քաղաքացին շատ լավ ամեն ինչ գիտի և իր գնահատականը տալիս է»:
Մանրամասները՝ տեսանյութում:
Ռոբերտ Անանյան
