10.10.2026 | 18:18
ԶՈՒ ԳՇ պետն այցելել է մի շարք զորամասեր
Հեղափոխությունից 10 ամիս անց էլ Հայաստանը շարունակում է ունենալ գործազրկության ամենաբարձր մակարդակը տարածաշրջանում․ Մելքումյան․ ՏԵՍԱՆՅՈՒԹ
Քաղաքականություն
28.03.2019 | 11:30
Ազգային ժողովի «Բարգավաճ Հայաստան» խմբակցության պատգամավոր Միքայել Մելքումյանի խոսքով՝ Կառավարությունը տնտեսական հեղափոխություն իրականացնելու հայտ է ներկայացրել, և երբ հայտարարում է նման հեղափոխության մասին, ապա պետք է մտածել, որ մի տարի հետո, եթե կյանքը էապես չլավանա, մեր հարցերի պատասխանները կլինեն շատ դժգույն։
«Եթե մենք գյուղացուն ասում ենք, որ ինքը պետք է կառուցի անասնագոմ և անասուններ ձեռք բերի, նախ պետք է հասկանալ՝ դրա պայմանները կան, թե՞ ոչ, ստացվելու է, թե՞ ոչ։ Դա նույնն է, որ մենք ուզենք, որ բոլոր գյուղացիները անգլերեն իմանան, այո՛, գյուղացիներն էլ դա կուզեն, բայց արդյոք դա նրանց մոտ ստացվելո՞ւ է»,- իր մտահոգությունները հայտնեց ԲՀԿ-ական պատգամավորը՝ նշելով, որ եթե խոսում ենք տնտեսական հեղափոխության մասին, ապա պետք է հասկանալ, որ կա մասնագիտացում հասկացություն, և մարդիկ զարգացել են ելնելով այն արտադրական պայմաններից, որոնք զարգացած են նրանց տարածաշրջաններում։
«Իսկ հեղափոխությունից անցել է մեկ տարի և ՀՀ-ն շարունակում է տարածաշրջանում գործազրկության ամենաբարձր ցուցանիշն ունենալ»,-ասաց Մելքումյանը՝ շեշտելով, որ Կառավարությունը լավ ցանկություններ է հայտնում, բայց հարց է առաջանում՝ ու՞ր են այն գումարները, որոնց վրա հիմնվելով պետք է տեխնոլոգիական բեկում անել։
Մանրամասները՝ տեսանյութում։
Աղավնի Սուքիասյան
