30.05.2026 | 12:53
Հունիսի 1-ին որոշ փողոցներ փակ կլինեն
Դեսպան Արմեն Ղևոնդյանի հանդիպումը «Բելտա» գործակալության գլխավոր տնօրենի հետ
Քաղաքականություն
26.03.2019 | 18:55
Մարտի 25-ին Բելառուսում Հայաստանի դեսպան Արմեն Ղևոնդյանը հանդիպեց «ԲԵԼՏԱ» բելառուսական պետական լրատվական գործակալության գլխավոր տնօրեն Իրինա Ակուլովիչի (Ірына Акуловіч) հետ։ Ինչպես տեղեկացնում են նախարարության լրատվական ծառայությունից, հանդիպմանը կարևորվեց հայ-բելառուսական միջպետական հարաբերությունների զարգացման ընթացքի տեղեկատվական ապահովման, երկու երկրների լրատվական կառույցների միջև, այդ թվում նաև՝ «Արմենպրես» և «ԲԵԼՏԱ» գործակալությունների միջև 2017թ․ ստորագրված հուշագրի ներքո տեղեկատվության և նյութերի փոխանակման շարունակականությունը։
Քննարկվեցին նախատեսված մի շարք ծրագրերի և նախագծերի իրականացման հեռանկարները։ Պայմանավորվածություն ձեռք բերվեց դեսպանություն-գործակալություն փոխգործակցության շրջանակներում անցկացվելիք միջոցառումների մասին իրազեկման վերաբերյալ։
