10.10.2026 | 21:37
Կանանց Հայաստանի հավաքականը ոչ-ոքի խաղաց Ինդոնեզիայի հետ
Հակոբ Արշակյանը` Հյուսիս-հարավ մայրուղու աշխատակիցների և աջ ղեկով մեքենաների մասին. ՏԵՍԱՆՅՈՒԹ
Տնտեսություն
25.03.2019 | 17:15
Կառավարության այսօրվա արտահերթ նիստից հետո լրագրողների հետ ճեպազրույցում ՀՀ տրանսպորտի, կապի և տեղեկատվական տեխնոլոգիաների նախարար Հակոբ Արշակյանը անդրադարձավ աջ ղեկով մեքենաներին և «Հյուսիս-հարավ» ավտոճանապարհի շինարարական աշխատանքներին։
Նախարարը հայտնեց, որ այդ աշխատանքները իրականացնող 17 կապալառու ընկերություններ 1.5 մլրդ դրամից ավելի գումար չեն ստացել իսպանական ընկերությունից․ «Մեծ ուշադրություն է դարձվում այս հարցին: Խոսքը Տրանշ-2-ին է վերաբերում՝ Աշտարակ-Թալին հատվածին: Կապալառու իսպանական ընկերությունն ունեցել է հայկական ենթակապալառու ընկերություններ և նրանց հետ կնքել է պայմանագրեր, որպեսզի օգնեն իրենց այդ ճանապարհաշինարարական աշխատանքներն իրականացնելու հարցում: Նրանք իրականացրել են որոշակի ծավալի աշխատանքներ, սակայն իսպանական ընկերությունը չի վճարել այդ աշխատանքների դիմաց»։
Մանրամասները՝ տեսանյութում։
Լիլիթ Շաբոյան
