Մշակույթ
22.03.2019 | 18:33
Մոսկվայի Կրեմլի պալատում տեղի ունեցած BraVo մրցանակաբաշխության ընթացքում համաշխարհային երաժշտական մշակույթի զարգացման գործում ունեցած ավանդի համար Ոսկե արձանիկը Շառլ Ազնավուրին է շնորհվել։ Այս մասին հայտնում է ՌԻԱ Նովոստին։
«Նրա արվեստը ողջ է, նրա երաժշտությունը մարդկանց հիշողության մեջ կմնա հավերժ և դեռ երկար-երկար տարիներ բազմաթիվ սերունդների կլուսավորի»,- ընդգծել է արարողության հաղորդավար Ֆիլիպ Կիրկորովը:
Նա նշել է, որ այս մրցանակով հարգանքի տուրք է մատուցվում անգերազանցելի արտիստի հիշատակին: Կիրկորովը հավելել է, որ Ոսկե արձանիկը կփոխանցվի Ազնավուրի ընտանիքին:
Նելլի Մելքոնյան
