15.12.2025 | 09:31
Երևանի քաղաքապետարանի գործակարգավարական նիստը. ՈՒՂԻՂ
Այս տեքստը ես միայնակ չեմ գրել. լարված խոսակցություն Մխիթար Հայրապետյանի և Նազենի Ղարիբյանի միջև. ՏԵՍԱՆՅՈՒԹ
Մշակույթ
20.03.2019 | 15:36
ԱԺ կրթության, գիտության, մշակույթի, սփյուռքի, երիտասարդության և սպորտի մշտական հանձնաժողովի նիստում ոլորտի նախարարները ներկայացնում են նախորդ տարվա աշխատանքների արդյունքները: Մշակույթի նախարարի պաշտոնակատար Նազենի Ղարիբյանի զեկույցից հետո հանձնաժողովի նախագահ Մխիթար Հայրապետյանն ասաց, որ տպավորություն է, թե նախարարի պաշտոնակատարը լուրջ չի վերաբերվել զեկույցին:
«Մենք խոսում են Կառավարության կատարած աշխատանքի մասին, իսկ Դուք ասում եք, որ Կառավարության հետևողականության արդյունքում բացառվում են պատմամշակութային շինությունների քանդման դեպքերը: Արդյո՞ք արդյունավետ է զեկույցի մեջ նման հայտարարություններ անել: Ես կուզեի, որ Դուք շուտ գայիք և լսեիք սպորտի նախարարի զեկույցը: Մենք խոսում ենք, թե ինչ է արել Մշակույթի նախարարությունը, Դուք ասում եք, որ ռեկորդային թվով գիրք է վաճառվել»,- ասաց Մխիթար Հայրապետյանը: Նախարարի պաշտոնակատարն ասաց, որ քննադատություններն ընդունում է և հավելեց. «Ես սա միայնակ չեմ գրել: Սա մի տեքստ է, որը մշակվել է ոչ միայն նախարարության, այլ նաև Կառավարության աշխատողների կողմից: Այս առումով նաև դեբատներ են եղել»:
Մանրամասները՝ տեսանյութում:
Նարեկ Կիրակոսյան
