16.12.2025 | 20:36
Ստորագրվել է Հայաստանի և Լյուքսեմբուրգի միջև ռազմավարական գործընկերության մասին համատեղ հռչակագիրը
Ոչխարաբուծությունը ֆինանսավորելու ենք. գյուղնախարարի պաշտոնակատար. ՏԵՍԱՆՅՈՒԹ
Տնտեսություն
20.03.2019 | 14:46
Անասնապահությունը լրջագույն ներուժ ունի, քանի որ տավարի մսի դեֆիցիտը ԵՏՄ տարաշրջանում բավական լուրջ է: Այս մասին ԱԺ-ում լրագրողների հետ զրույցում ասաց գյուղատնտեսության նախարարի պաշտոնակատար Գեղամ Գևորգյանը:
«Մենք որքան արտադրենք, և՛ ներքին, և՛ արտաքին սպառումը կա: Ոչխարի միսն արաբական աշխարհում և Իրանում լրջագույն պահանջարկ ունի: Ոլորտին պետք է ֆինանսական աջակցություն ցուցաբերենք: Սուբսիդավորելու ենք անասունների ձեռքբերման արժեքը»,- ասաց նա:
Մեր դիտարկմանը, որ վարչապետի՝ ոչխար պահելու հայտարարություններին զուգահեռ, ոչխարաբույծները դժգոհում են բրդի վերամշակման խնդիրներից, քանի որ պայմաններ չկան, նախարարի պաշտոնակատարն ասաց. «Ոչխարի բրդի վերամշակումը շատ բարդ է, ես դեռ լուծում չունեմ: Ուսումնասիրություն ենք անում, որ հասկանանք՝ ոչխարի բրդի վերամշակումը ձեռնտու է, թե՞ ոչ»:
Մանրամասները՝ տեսանյութում:
Նարեկ Կիրակոսյան
