28.09.2026 | 11:11
ՏԻՄ ընտրությունների օրը ՆԳՆ 112 հեռախոսահամարին հանցագործությունների վերաբերյալ ահազանգ չի ստացվել
Արցախի գլխին կախված է աբխազացման վտանգը․ առաջիկայում փակագծերը կբացենք․ Ժիրայր Սեֆիլյան․ ՏԵՍԱՆՅՈՒԹ
Քաղաքականություն
18.03.2019 | 15:17
Արցախի վրա կախված է աբխազացման վտանգը, ինչը օր առաջ մենք պետք է կանխարգելենք և հույս ունենք, որ այս գործընթացում օժանդակելու է գործող իշխանությունը։
Այս մասին այսօր հրավիրված մամուլի ասուլիսի ժամանակ ասաց «Սասնա Ծռեր» կուսակցության պատվավոր ներկայացուցիչ Ժիրայր Սեֆիլյանը։
«Այսօր Աբխազիան կամ Հարավային Օսեթիան ի՞նչ կարգավիճակում են, նույն սպառնալիքը կախված է Արցախի գլխին»,- ասաց Սեֆիլյանը։
Հարցին՝ որքանով է իրատեսական Արցախը ՀՀ-ին մարզի կարգավիճակով միավորելու գործընթացը, երբ խոսվում է Արցախը բանակցությունների սեղան վերադարձնելու մասին, Ժիրայր Սեֆիլյանը պատասխանեց․ «Թե որոնք են այն պատճառները, որոնց վրա հիմնվելով մենք ունենք այս կարծիքը, առաջիկայում փակագծերը կբացենք։ Իսկ եթե մամուլին էլ հետևած լինեիք, կտեսնեիք, որ այդ վտանգը ոչ միայն մենք ենք նկատել, այլ շատերը»,- ասաց Սեֆիլյանը։
Մանրամասները՝ տեսանյութում։
Աղավնի Սուքիասյան
