10.10.2026 | 19:47
Քննարկվել են Հայաստանում կախվածությունների կանխարգելման և բուժման ուղղությամբ իրականացվող աշխատանքները
Հարկադիր կատարման ծառայությունը` «ԱՐՄՕՅԼ» ՓԲԸ վերաբերյալ հարուցված կատարողական վարույթի վերաբերյալ
Հասարակություն
16.03.2019 | 14:33
Հարկադիր կատարումն ապահովող ծառայությունը, հաշվի առնելով զանգվածային լրատվության միջոցներով կատարված հրապարակումները «ԱՐՄՕՅԼ» ՓԲԸ վերաբերյալ հայտնում է հետևյալը.
«ՀՀ Կոտայքի մարզի առաջին ատյանի ընդհանուր իրավասության դատարանի կողմից 05.03.2019 թվականին տրված կատարողական թերթի հիման վրա Հարկադիր կատարումն ապահովող ծառայության Հարկադիր կատարման օպերատիվ բաժնում 06.03.2019 թվականին հարուցվել են թիվ 04991809 և թիվ 04991822 կատարողական վարույթները:
Հիշյալ կատարողական վարույթների շրջանակներում իրականացված կատարողական գործողությունների արդյունքում 07.03.2019 թվականին հարկադիր կատարողի կողմից կազմվել է համապատասխան արձանագրություն առ այն, որ կատարողական թերթով սահմանված հասցեներում որևէ գործողություն, այդ թվում՝ որևէ արտադրական գործունեություն կամ շինարարություն չի իրականացվում:
13.03.2019 թվականին Ծառայություն ստացված դիմումի հիման վրա նույն օրը հարկադիր կատարողները կրկին այցելություն են կատարել նշված հասցեներ և կազմել համապատասխան արձանագրություն այն մասին, որ տարածքում որևէ գործողություն, այդ թվում՝ որևէ արտադրական գործունեություն կամ շինարարություն չի իրականացվում»,- ասված է տարածված հաղորդագրությունում:
