15.10.2026 | 18:23
Տեղի է ունեցել ՀՀ վարչապետի և Ֆրանկոֆոնիայի միջազգային կազմակերպության գլխավոր քարտուղարի հանդիպումը
Մահվան նպաստի դիմումն այսուհետ կարող է ներկայացվել ցանկացած սոցապ տարածքային բաժին
Հասարակություն
18.08.2017 | 18:36
ՀՀ աշխատանքի և սոցիալական հարցերի նախարարի առաջին տեղակալ Արայիկ Պետրոսյանի ներկայացմամբ ՀՀ կառավարության 2017 թ. օգոստոսի 17-ի հերթական նիստում հավանության է արժանացել «Հայաստանի Հանրապետության կառավարության 2011 թվականի մայիսի 5-ի N 670-Ն որոշման մեջ փոփոխություններ և լրացում կատարելու մասին» կառավարության որոշման նախագիծը:
Փոփոխությունը վերաբերում է կենսաթոշակառուի մահվան դեպքում թաղման նպաստի վճարման և մահվան դեպքում չստացած թոշակը ստանալու համար դիմում ներկայացնելու ընթացակարգին:
Եթե նախկինում քաղաքացիները պետք է դիմում ներկայացնեին միայն հաշվառման վայրի սոցիալական ապահովության պետական ծառայության տարածքային բաժին, ապա այժմ, անկախ հաշվառման վայրից, կարող են դիմել ցանկացած սոցապ տարածքային բաժին:
