18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Այսօր Հայկ Մարությանը հարցազրույց կտա «Առաջին ալիքին»
Քաղաքականություն
14.03.2019 | 21:05
Այսօր ժամը 21։40-ին «Առաջին ալիքը» կհեռարձակի հարցազրույց Երևանի քաղաքապետ Հայկ Մարությանի հետ։
Այս մասին ֆեյսբուքի իր էջում տեղեկացում է քաղաքապետի մամուլի խոսնակ Հակոբ Կարապետյանը։ Նրա խոսքով՝ հարցազրույցը կհեռարձակվի «Լուրերի» թողարկումից անմիջապես հետո և քաղաքապետը կպատասխանի Պետրոս Ղազարյանի հարցերին։
Նշենք, որ երկու օր է՝ Երևանի քաղաքապետարանի աշխատակիցները փորձում են ապամոնտաժել Օպերայի շենքին հարակից սրճարանները։
Ոստիկանների և սրճարանների աշխատակիցների միջև բախումներ են գրանցվում։ Սրճարանատերերը հանդիպում են պահանջում Երևանի քաղաքապետի հետ, սակայն մինչ այս պահը Հայկ Մարությանը չի ներկայացել նրանց հետ հանդիպման։ Քաղաքապետ Հայկ Մարությանը 9 ժամ առաջ հանդես է եկել ուղերձով, որի տեքստն ամբողջությամբ ներկայացնում ենք ստորև։
«Սիրելի երևանցիներ: Այսօր մենք ի կատար ենք ածում երկար տարիների մեր երազանքը` ազատագրում ենք Օպերայի շրջակայքը և հետ բերում մշակութային օջախի մթնոլորտը: Սա պրոցեսի սկիզբն է, այն լինելու է շարունակական: Շնորհակալ եմ բոլոր երևանցիներին այս հարցում մեր կողքին լինելու համար, մենք զգում ենք ձեր աջակցությունը: Վերադարձնենք Երևանին իր մշակութային դիմագիծը»,- ասել է Երևանի քաղաքապետը։
